Хэлэлцэх асуудлын төлөвлөгөө

                                                                   батлах тухай

Монгол Улсын “ Засаг захиргаа нутаг дэвсгэрийн нэгж,түүний удирдлагын тухай “  хуулийн 48 дугаар зүйлийн 48.1 дэх заалтыг үндэслэн сумын иргэдийн Төлөөлөгчдийн Хурлаас ТОГТООХ нь:

1.Сумын иргэдийн Төлөөлөгчдийн Хурлын хуралдаанаар 2023 онд хэлэлцэх асуудлын төлөвлөгөөг хавсралтаар баталсугай.

2. 2023 оны хэлэлцэх асуудлын төлөвлөгөөнд тусгагдсан асуудлуудын бэлтгэлийг бүрэн хангуулж шинээр боловсруулах батлах бодлогын баримт бичгүүдийн төсөл, тогтоол шийдвэрүүдийн хэрэгжилтийн тайланг олон нийтээр хэлэлцүүлж саналыг нь тусгаж, үнэлэлт дүгнэлтийн ажилд иргэд, иргэний нийгмийн болон мэргэжлийн байгууллагуудын оролцоог өргөжүүлж, боловсруулалтын чанарыг хангуулж, сумын иргэдийн Төлөөлөгчдийн Хурлын дүрмийн дагуу өргөн мэдүүлж хэлэлцүүлэхийг сумын Засаг дарга ( Н.Ундрахбилэг ) - т даалгасугай.

            3.Төлөвлөгөөнд тусгагдсан асуудлуудын боловсруулалтын түвшинд өөрийн эрхлэх чиг үүрэг, хариуцсан чиглэл чиглэлийн хүрээнд хяналт шинжилгээ хөндлөнгийн дүгнэлтүүдийг чанартай хийж, бэлтгэлийг сайтар хангуулж хуралдаанд хэлэлцүүлэх Хорооны 2023 оны ажлын төлөвлөгөө боловсруулан хэрэгжилтийг хангаж ажиллахыг Хурлын хороодын дарга ( Ц.Нарангэрэл, Б.Наранцогт, Г.Лхагвадорж, М.Очирбат, Д.Өлзийсайхан, Ц.Алтанхуяг ) – т тус тус үүрэг болгосугай.

            4.Тогтоолын хэрэгжилтэд хяналт тавьж ажиллахыг сумын иргэдийн Төлөөлөгчдийн Хурлын нарийн бичгийн дарга ( Ц.Цолмон ) – д даалгасугай.

ДАРГА                                 Ц.НАРАНГЭРЭЛ